Жаңалықтар

” KURATOR:ЖАНАШЫР.ЖАҢАШЫЛ.ЖЕТЕКШІ” облыстық кураторлар онкүндігі аясында Досанбаева Сая Ильдусқызының жетекшілігімен Кондитер-13 тобы «Goodness Day» челленджіне белсене қатысты.
03.12.2025 09:32

Шараның мақсаты – студенттердің бойында мейірімділік, жауапкершілік, адамгершілік қасиеттерін дамыту, сондай-ақ айналадағы адамдарға көмектесуге деген ниет пен құлшынысты қалыптастыру.

Челлендж барысында білім алушылар адамдарға және қоршаған ортаға қамқорлық танытып, бастамашылдық пен жанашырлық көрсетті. Олар көмекке мұқтаж жандарды қолдауға бағытталған игі істерге атсалысып, ізгіліктің маңызын айқын көрсетті.

Студенттер бірлік, адамшылық және өзара қолдау мәдениетінің қажеттілігін дәлелдеді.

Мұндай шаралар жастардың әлеуметтік белсенділігін, жауапкершілігін арттыруға, сондай-ақ ұжымда жағымды құндылықтар мен мейірімді атмосфера қалыптастыруға ықпал етеді.

Кондитер-13 тобына және олардың жетекшісіне белсенділігі мен үлгілі ісі үшін алғыс білдіреміз!

 

Толығырақ ...
Атырау сервис колледжінде қуанышты жаңалық!
03.12.2025 09:28

Атырау қаласының прокуратурасы ұйымдастырған “Буллингке қарсы ең үздік бейнеролик” байқауына белсене қатысып, шығармашылық қабілетімен ерекше көзге түскені үшін ағылшын тілі пәнінің мұғалімі Кенжебаева Салтанат Қайрлиевна Алғыс хатпен марапатталды.

Салтанат Қайрлиевна өз бейнеролигінде жасөспірімдер арасында өзекті болып отырған буллинг мәселесін терең ашып, жас ұрпақтың бойында мейірімділік, татулық, адамгершілік, өзара құрмет сияқты құндылықтарды қалыптастыруға бағытталған мазмұнды жұмыс көрсете білді.

Бұл марапат – ұстаздың кәсіби біліктілігі мен зор еңбегінің нәтижесі.

Құрметті Салтанат Қайрлиевна!

Сізді шын жүректен марапатыңызбен құттықтаймыз!

Шығармашылық шабыт, толағай табыс, кәсіби биіктер тілейміз!

Құтты болсын!

Толығырақ ...
Атырау сервис колледжінде қауіпсіздік сабақтары өтті.
03.12.2025 09:27

Атырау сервис колледжінде Атырау облысы Төтенше жағдайлар департаментінің жедел құтқару жасағының құтқарушы мамандары — Бахытжанұлы Арман және Қамаров Берік студенттермен кездесу өткізіп, қыс мезгіліндегі қауіпсіздік ережелері бойынша дәріс сабағын өткізді.

Іс-шараның басты мақсаты — қыс айларында мұз үстінде жүрудің қауіптілігін, мұздың түсі мен ерекшеліктерін ажыратуды, сондай-ақ тыйым салынған белгілердің маңызын түсіндіру болды.

Құтқарушылар студенттерге төтенше жағдай орын алған кезде өзін-өзі ұстау ережелерін, мұз астына түсіп кеткен жағдайда алғашқы көмек көрсету тәсілдерін түсіндіріп, тәжірибелік кеңестермен бөлісті.

Осындай танымдық кездесулер жастардың қауіпсіздік мәдениетін қалыптастырып, төтенше жағдайлардың алдын алуға бағытталған маңызды шаралардың бірі болып табылады.

Толығырақ ...
«Жастар – ел мақтанышы» атты ой талқысы
02.12.2025 09:16

2025 жылғы 10 қарашада №8 қалалық кітапхананың кітапханашысы Қанатова Гүлзада Рашидқызы және Атырау сервис колледжінің кітапханашысы Муханбетжанова Алия Орынғалиқызының ұйымдастыруымен, колледжіміздің «Тігінші-25» тобының студенттерінің қатысуымен Дүниежүзілік жастар күніне орай «Жастар – ел мақтанышы» атты ой талқысымен кездесу өткізілді.

Шара барысында қатысушылар:

Дүниежүзілік жастар күнінің тарихымен танысып,

«Қазіргі жастар немен айналысады?», «Заманауи жастар қандай болу керек?», «Болашақта кім боламын?» сияқты маңызды сұрақтарды талқылады,

Сергіту ойынына қатысып, бір-бірімен пікір алмасу мүмкіндігіне ие болды.

Ой талқыс жылы, достық атмосферада өтті, студенттер өз ойларын ашық айтып, пікірлерімен бөлісті. Шара жастардың белсенділігін арттыруға, өз болашағына бағыт қоюға және командалық рухты дамытуға үлкен үлес қосты.

📌 Атырау сервис колледжі – білім мен шығармашылықтың ұясы!

 

Толығырақ ...
Атырау сервис колледжінде ақпараттық кездесу өтті
04.11.2025 08:32

Бүгін Атырау сервис колледжінде АИТВ орталығының маманы Баймұханова Мереке Үтегенқызының қатысуымен студенттерге арналған танымдық кездесу ұйымдастырылды.

Кездесу барысында маман студенттерге АИТВ (адамның иммун тапшылығы вирусы) және ЖИТС (жүре пайда болған иммун тапшылығы синдромы) туралы толық мағлұмат берді. Атап айтқанда, АИТВ инфекциясының белгілері, жұғу және жұқпау жолдары, сондай-ақ оның адам ағзасына тигізетін зияны туралы түсіндірді.

Сонымен қатар, ЖИТС-тің алдын алу шаралары, денсаулықты сақтау жолдары және қоғамдағы стигманы болдырмау мәселелері де талқыланды.

Кездесу соңында студенттер өздерін қызықтырған сұрақтарын қойып, маманнан жан-жақты және нақты жауаптар алды.

Осындай ақпараттық шаралар жастардың денсаулыққа деген жауапкершілігін арттыруға, салауатты өмір салтын қалыптастыруға зор ықпал етеді.

#tarbie_ortalygy_atyrau

#gylym_jogarybilim

@bilim_sapasy_baqylau

@ishkisaiasat_atyrau

@gylym_jogarybilim

#біртұтас_тәрбие

#tarbie_ortalygy_atyrau

#күшіміз_бірлікте

#talap.edu.kz

#bilimim_otanyma

#біртұтас_тәрбие_атырау

#салауатты_өмір_салты

#tarbie_ortalygy_atyrau

Атырау Жастары

Кайрат Сисенов

Атырау Облысы Білім Басқармасы

Атырау Облысы Ассамблея Жастары @oqu_agartu_ministrligi prokuror_aitimov

Толығырақ ...