Оқу бөлімі

Атырау сервис колледжінде « Сабақта жасанды интеллектті қолдану мүмкіндіктері» тақырыбында педагогикалық оқулар өтті. Іс-шараның негізгі мақсаты – білім беру процесінде заманауи цифрлық технологияларды тиімді қолдану, педагогтардың кәсіби тәжірибе алмасуына мүмкіндік жасау және оқу үдерісіне жасанды интеллект құралдарын енгізудің маңыздылығын талқылау болды.

Педагогикалық оқуларға колледж оқытушылары қатысып, өздерінің ғылыми-әдістемелік баяндамаларын ұсынды. Қатысушылар жасанды интеллекттің білім беру жүйесіндегі рөлі, оны сабақ барысында қолданудың тиімді әдістері және студенттердің білім сапасын арттырудағы мүмкіндіктері туралы пікір алмасты. Сонымен қатар оқытушылар заманауи технологияларды пайдалану арқылы оқу материалдарын әзірлеу, тест тапсырмаларын дайындау және білім алушылардың оқу жетістіктерін талдау тәжірибелерімен бөлісті.

Іс-шара барысында педагогтар жасанды интеллект құралдарының сабақтың тиімділігін арттыруға, студенттердің пәнге деген қызығушылығын күшейтуге және оқу процесін жаңаша ұйымдастыруға мүмкіндік беретінін атап өтті. Мұндай технологияларды дұрыс пайдалану оқытушының жұмысын жеңілдетіп қана қоймай, білім беру сапасын арттыруға да оң әсерін тигізеді.

Педагогикалық оқулар білім беру саласында инновациялық әдістерді дамытуға бағытталған маңызды алаңға айналды. Қатысушылар өзара тәжірибе алмасып, жаңа идеялармен бөлісіп, болашақта цифрлық білім беру мүмкіндіктерін кеңінен қолдану қажеттігін атап өтті.

Іс-шара қорытындысы бойынша қатысушылар жүлделі І, ІІ және ІІІ орындармен марапатталды. Сондай-ақ белсенділік танытқан педагогтарға алғыс хаттар табысталды.

Осындай педагогикалық оқулар педагогтардың кәсіби дамуына серпін беріп, білім беру жүйесінде жаңа технологияларды тиімді қолдануға жол ашады

#tarbie_ortalygy_atyrau #gylym_jogarybilim @bilim_sapasy_baqylau @ishkisaiasat_atyrau @gylym_jogarybilim #біртұтас_тәрбие #tarbie_ortalygy_atyrau #күшіміз_бірлікте #talap.edu.kz #bilimim_otanyma #біртұтас_тәрбие_атырау #салауатты_өмір_салты #tarbie_ortalygy_atyrau

Бүгін,яғни 23 желтоқсан күні 2курс " К-11"тобында "Қазақ тілі мен әдебиеті "пәнінен емтихан
басталар алдында пән мұғалімі Гулзия Беккалиевна студенттерді сынақ алдында бойларындағы
қорқыныш пен сенімсіздіктен арылтып, оларға бір серпіліс беріп, жүздеріне қуаныш ұялатып ,
бәрі жақсы болатындығына сенім барына сендіру үшін әдіс-тәсілдерді қолдана білді. Алғашқы
сынаққа келген топ студенттерінің есік алдынан-ақ көңіл-күйлері көтеріліп, еркін түрде
амандасып,бойлары ширап,берілген аз ғана мүмкіндіктің өзі оларға қуаныш сыйлап қана қоймай,
мұғаліммен арадағы қарым-қатынасты нығайып, сынақтан сүрінбей өткен болатын.
#tarbie_ortalygy_atyrau
#gylym_jogarybilim
@bilim_sapasy_baqylau
@ishkisaiasat_atyrau
@gylym_jogarybilim
#біртұтас_тәрбие
#tarbie_ortalygy_atyrau
#күшіміз_бірлікте
#talap.edu.kz
#bilimim_otanyma
#біртұтас_тәрбие_атырау
#салауатты_өмір_салты
#tarbie_ortalygy_atyrau
Атырау Жастары
Кайрат Сисенов
Атырау Облысы Білім Басқармасы
Атырау Облысы Ассамблея Жастары @oqu_agartu_ministrligi prokuror_aitimov

Атырау сервис колледжінде жас маманның кәсіби жолдағы алғашқы қадамы ерекше форматта өтті. Ол «Мемлекеттік стратегиялар және Қазақстан Республикасының даму бағдарламалары» тақырыбында ашық сабақ өткізіп, тыңдаушыларға еліміздің қазіргі даму бағыттары, ұзақ мерзімді стратегиялық мақсаттары және негізгі мемлекеттік бағдарламалар туралы мазмұнды ақпарат ұсынды.

Сабақ барысында:

• Қазақстанның стратегиялық құжаттары жан-жақты талданды;

• «Қазақстан–2050», «Ұлт жоспары – 100 нақты қадам», ұлттық жобалар және өңірлік даму бағдарламалары қарастырылды;

• Студенттердің ойлау қабілетін дамытатын интерактивті тапсырмалар қолданылды;

• Қатысушылар өз пікірлерін ортаға салып, талқылауға белсенді қатысты.

Жас маман кәсіби шеберлігін көрсете отырып, заманауи педагогикалық әдістерді тиімді пайдаланып, сапалы білім берудің үлгісін танытты.

📸 Бұл ашық сабақ жас маманның болашақтағы үлкен жетістіктерінің бастауы болғай!

#serviscol

Атырау сервис колледжінде ел мерекесіне арналған қуанышты жаңалықпен бөлісеміз!

Республика күніне орай колледждің әлеуметтік серіктесі – «Eurasia Support Services» ЖШС өкілдері колледжге арнайы келіп, жұмысшы маман иелеріне қамыр жайғыш машинаны сыйға тартты.

Шараға:

👩‍💼 Адам ресурстарын басқару бөлімінің директоры – Ихданова Гаухар,

👨‍💼 Өндірістік қатынастар және мемлекеттік органдармен байланыс басқармасының жетекшісі – Орынғалиев Ғафур,

👨‍🏫 Кәсіподақ төрағасы – Көшенов Марал,

🤝 Әлеуметтік және еңбек қатынастары жөніндегі үйлестіруші – Әбеуов Думан қатысты.

Қонақтар колледждің оқу шеберханаларымен танысып, студенттермен жылы әңгіме жүргізді. Болашақ мамандарға бағыт-бағдар беріп, алдағы уақытта жұмысқа орналасу мәселесінде қолдау көрсететіндерін атап өтті.

Колледж әкімшілігі өз кезегінде серіктестікке шын жүректен алғыс білдіріп, екі жақтың ынтымақтастығы алдағы уақытта да нығая түсетініне сенім білдірді.

🎉 Республика күні құтты болсын!

Тәуелсіз еліміздің дамуы жолында еңбек ететін жастарымыздың болашағы жарқын болсын!

#RepublicDay #25Қазан #Декларация35жыл #МеніңҚазақстаным.