8 қалалық кітапханасы кітапханашы Есболатқызы Айдана Атырау сервис колледжі кітапханашыларының ұйымдастыруымен колледж студенттерінің қатысуымен жазушы Б. Нұржекеұлының туғанына 85 жыл толуына орай «Адам сыры – өмір сыры» атты кітап көрмесін өткізді. Шара барысында оқырмандар жазушының өмірі мен шығармашылығымен, көпшілік оқырман қызыға оқитын таңдаулы кітаптарымен танысты. Кітап көрмесіне жазушының повестері, әңгімелері мен романдары қойылып, шығармаларындағы адамгершілік, махаббат, отбасы құндылықтары және өмір шындығы туралы ойлар кеңінен насихатталды. Кездесу барысында студенттер жазушының шығармалары бойынша өз пікірлерін білдіріп, қызықтырған сұрақтарына жауап алды. Әдеби шара оқырмандардың кітап оқуға деген қызығушылығын арттырып, қазақ әдебиетінің көрнекті өкілдерінің шығармаларын кеңінен танытуға мүмкіндік берді. #АдамСырыӨмірСыры #БНұржекеұлы #КітапКөрмесі #Кітапхана #ӘдебиШара КітапОқу Атырау

«Заң және тәртіп» – қауіпсіз қоғам кепілі Атырау сервис колледжінің студенттері арасында «Заң және тәртіп» қағидатын насихаттау, құқықтық сауаттылықты арттыру және құқық бұзушылықтың алдын алу мақсатында профилактикалық кездесу өткізілді. Кездесуге Атырау ҚПБ ҚҚБ ЮПБ аға УПИ, полиция аға лейтенанты Жолдығали Бекарыс Нұрболатұлы қатысып, студенттермен маңызды мәселелер бойынша түсіндіру жұмыстарын жүргізді. Кездесу барысында: нашақорлықтың алдын алу және есірткі заттарының адам өмірі мен денсаулығына тигізетін зияны; есірткі қылмысына байланысты заң талаптары және оның салдары; құқық бұзушылықтың алдын алу және заң талаптарын сақтау; буллинг пен кибербуллингтің алдын алу; интернет кеңістігіндегі қауіпсіздік және жауапкершілік; қоғамдық орындардағы тәртіпті сақтау мәселелері кеңінен түсіндірілді. Сонымен қатар студенттерге Авангард-4 мөлтек ауданы мен Сәтпаев даңғылы, 3А үйінің алдына топтасып жиналмау, қоғамдық тәртіпті бұзбау, сондай-ақ түнгі уақытта заң талаптарын сақтап, көшеде себепсіз жүрмеу жөнінде ескертулер берілді. Кездесу барысында студенттер өздерін қызықтырған сұрақтарын қойып, маманнан нақты жауаптар алды. Құқық қорғау органдары өкілі жастарды заңды құрметтеуге, тәртіпті сақтауға, құқық бұзушылыққа жол бермеуге және өз қауіпсіздігіне жауапкершілікпен қарауға шақырды. Мұндай профилактикалық кездесулердің басты мақсаты – жастардың құқықтық мәдениетін қалыптастыру, қауіпсіз мінез-құлық дағдыларын дамыту және құқық бұзушылықтың алдын алу. Заңды білу – міндет, Заңды сақтау – жауапкершілік! #АтырауСервисКолледжі #ЗаңЖәнеТәртіп #ҚұқықБұзушылықтыңАлдынАлу #ЖастарҚауіпсіздігі #БуллингкеЖолЖоқ

МЕМЛЕКЕТТІК РӘМІЗДЕРДІ НАСИХАТТАУ – ҰЛТТЫҚ ҚҰНДЫЛЫҚТЫ ҚҰРМЕТТЕУ Мемлекеттік рәміздерді насихаттау жөніндегі Ұлттық орталықтың 2026 жылғы 4 тамыздағы хатына сәйкес, Атырау сервис колледжінің ұжымына Қазақстан Республикасының Мемлекеттік рәміздерін пайдалану тәртібі бойынша түсіндіру семинары өткізілді. Семинар барысында Қазақстан Республикасы Үкіметінің 2007 жылғы 2 қазандағы №873 қаулысына енгізілген өзгерістер мен толықтырулар, сондай-ақ Мемлекеттік Ту мен Мемлекеттік Елтаңбаны пайдалану, сақтау және орналастыру талаптары түсіндірілді. Іс-шараны колледждегі ұлттық стандарттарға сәйкес келмейтін Қазақстан Республикасының Мемлекеттік Туын және Мемлекеттік Елтаңбасын ауыстыру және жою жөніндегі тұрақты жұмыс істейтін комиссия ұйымдастырды. Семинар барысында мемлекеттік рәміздерді белгіленген талаптарға сай пайдалану, олардың сыртқы келбетіне қойылатын талаптарды сақтау, сондай-ақ рәміздерге ұқыпты әрі құрметпен қараудың маңыздылығы атап өтілді. Мемлекеттік рәміздер – ел тәуелсіздігінің, бірлігінің және ұлттық рухтың айқын белгісі. Оларды құрметтеу – әр азаматтың ортақ міндеті! #АтырауСервисКолледжі #МемлекеттікРәміздер #Ту #Елтаңба #ЗаңЖәнеТәртіп ҰлттықҚұндылық

️ АСХАНАДАҒЫ САНИТАРЛЫҚ-ГИГИЕНАЛЫҚ ТАЛАПТАРДЫҢ САҚТАЛУЫ БАҚЫЛАНДЫ Атырау сервис колледжінде студенттердің сапалы әрі қауіпсіз тамақтануын қамтамасыз ету және асханадағы санитарлық-гигиеналық талаптардың орындалуын бақылау мақсатында кезекті зерделеу жұмыстары жүргізілді. Зерделеу жұмысына колледждің бракераждық комиссия мүшелерімен қатар Ата-аналар кеңесінің мүшелері де қатысып, асхананың күнделікті жұмысымен танысты. Комиссия мүшелері асхананың санитарлық жағдайын, тазалық деңгейін, дайындалатын тағамдардың сапасы мен құндылығын, тағамдардың дұрыс сақталуын, тамақтану кестесінің сақталуын және студенттерге ұсынылатын бір реттік ыстық тамақтың сапасы мен толықтығын бақылауға алды. Зерделеу барысында Ата-аналар кеңесінің мүшелері асханадағы ас мәзірімен танысып, студенттерге ұсынылатын тағамдардың түрлері мен тамақтану тәртібіне назар аударды. Сонымен қатар, дайын тағамдар қаралып, дәмдік сапасы тексерілді. Қойма және ас дайындау бөлмелерінің санитарлық жағдайы, тағамдардың сақтау талаптарына сәйкестігі, студенттердің тамақтану процесінің ұйымдастырылуы және қызмет көрсету мәдениеті бағаланды. Жүргізілген зерделеу жұмыстарының нәтижесінде асхананың жұмыс сапасын одан әрі жетілдіру, санитарлық-гигиеналық талаптарды сақтау және студенттерді сапалы әрі қауіпсіз ыстық тамақпен қамтамасыз ету бағытында тиісті ұсыныстар берілді. Сапалы тамақтану – студент денсаулығы мен қауіпсіздігінің маңызды кепілі! #АтырауСервисКолледжі #АтаАналарКеңесі #БракераждықКомиссия #СапалыТамақтану #ҚауіпсізТамақтану

АТА-АНАЛАРМЕН БІРЛЕСКЕН ЖҰМЫС – БАЛА ҚАУІПСІЗДІГІНІҢ КЕПІЛІ Атырау сервис колледжінде тәрбие жұмысының жылдық жоспарына сәйкес топ кураторларының ұйымдастыруымен ата-аналар жиналысы өткізілді. Жиналыстың негізгі мақсаты – ата-аналармен тығыз байланыс орнату, студенттердің қауіпсіздігін қамтамасыз ету, құқықтық сауаттылығын арттыру және жасөспірімдердің тәрбиесі мен психологиялық жағдайына бірлесіп көңіл бөлу. Кездесу барысында ата-аналарға колледждің ішкі тәртіп ережелері, құқық бұзушылықтың, нашақорлықтың және зорлық-зомбылықтың алдын алу бағыттары бойынша түсіндіру жұмыстары жүргізілді. Колледждің педагог-психологі Ж.Б. Бекет ата-аналарға жасөспірімдердің эмоционалдық жағдайына ерекше назар аудару, олардың көңіл күйіндегі өзгерістерді дер кезінде байқау, буллинг пен кибербуллингтің алдын алу, сондай-ақ суицидтік мінез-құлықтың алдын алу бойынша маңызды ақпараттар берді. Ата-аналарға баламен ашық әрі сенімді қарым-қатынас орнату, оның мәселелеріне бейжай қарамау, баланың пікірін тыңдау және қиындық туындаған жағдайда дер кезінде мамандардың көмегіне жүгіну ұсынылды. Сонымен қатар жиналыс барысында №92 бұйрық талаптарына сәйкес ата-аналардан алынатын келісім шарттың мазмұны мен оны рәсімдеу тәртібі түсіндірілді. Ата-аналардың сұрақтарына жауаптар беріліп, ұсыныс-пікірлері тыңдалды. Жиналыс барысында ата-аналар мен топ кураторлары арасында өзара пікір алмасу болып, студенттердің тәрбиесі, оқу үлгерімі, сабаққа қатысуы және қауіпсіздігі мәселелері талқыланды. Бала тәрбиесі – отбасы мен колледждің ортақ жауапкершілігі. Бірлескен жұмыс пен өзара түсіністік – қауіпсіз әрі қолайлы орта қалыптастырудың маңызды негізі. #АтырауСервисКолледжі #АтаАнаменБірлескенЖұмыс #БіртұтасТәрбие #ЗаңЖәнеТәртіп #БалаҚауіпсіздігі