Автордың жарияланымдары: admin

Атырау сервис колледжінде Атырау облысы Төтенше жағдайлар департаментінің жедел құтқару жасағының құтқарушы мамандары — Бахытжанұлы Арман және Қамаров Берік студенттермен кездесу өткізіп, қыс мезгіліндегі қауіпсіздік ережелері бойынша дәріс сабағын өткізді.

Іс-шараның басты мақсаты — қыс айларында мұз үстінде жүрудің қауіптілігін, мұздың түсі мен ерекшеліктерін ажыратуды, сондай-ақ тыйым салынған белгілердің маңызын түсіндіру болды.

Құтқарушылар студенттерге төтенше жағдай орын алған кезде өзін-өзі ұстау ережелерін, мұз астына түсіп кеткен жағдайда алғашқы көмек көрсету тәсілдерін түсіндіріп, тәжірибелік кеңестермен бөлісті.

Осындай танымдық кездесулер жастардың қауіпсіздік мәдениетін қалыптастырып, төтенше жағдайлардың алдын алуға бағытталған маңызды шаралардың бірі болып табылады.

2025 жылдың 6 қарашасы күні

Атырау сервис колледжінде

Атырау облыстық Білім беру басқармасының ұйымдастыруымен, облыстық прокуратура және полиция департаменті өкілдерінің қатысуымен «Кәмелет жасына толмағандар арасында құқық бұзушылықтың алдын алу» тақырыбында профилактикалық кездесу өтті.

Іс-шараның басты мақсаты – жастардың құқықтық сауаттылығын арттыру, заңға деген құрмет сезімін қалыптастыру, қоғамдағы тәртіп пен жауапкершіліктің маңыздылығын түсіндіру болды.

 Кездесуге арнайы шақырылған спикерлер:

Хамзин Дулат Болатбекұлы – Атырау облысы Білім беру басқармасының бөлім басшысы;

Кенжегулов Нұрлыбек Хамитович – Атырау қаласы Полиция басқармасы бастығының орынбасары, полиция майоры.

Кездесу барысында студенттерге кәмелетке толмағандар арасындағы құқық бұзушылықтың себептері мен оның салдары, заң алдындағы жауапкершілік жайында кеңінен түсіндірілді. Сонымен қатар, жастарды салауатты өмір салтына, қоғамдағы өз орнын дұрыс табуға шақыратын тәрбиелік бағыттағы маңызды ақпараттар берілді.

Іс-шара жастардың құқықтық мәдениетін қалыптастыруға және заң талаптарын құрметтеуге бағытталған маңызды кездесу болды.

Атырау қаласында өткен “Ұрпағыңмен мың жаса” жобасы аясында ауқымды жүгіру марафоны ұйымдастырылды. Бұл шараның басты мақсаты – әке мен бала арасындағы байланысты нығайту, салауатты өмір салтын насихаттау және отбасылық спорт мәдениетін дамыту болды.

Марафонға Атырау облысы бойынша 250 бала мен 250 әке қатысып, үлкен белсенділік танытты. Осы ауқымды спорттық шараға біздің колледж атынан “Аспаз-73” тобының 1 курс студенті Заитов Артур әкесі Сариев Асылбекпен бірге қатысып, жоғары нәтижелерімен көпшіліктің ықыласына бөленді.

Нәтижелері:

Заитов Артур – 3 км қашықтықты 250 қатысушының ішінен 5-ші болып бағындырды;

Сариев Асылбек – 5 км қашықтықта 250 қатысушы арасынан 8-ші болып мәре сызығын қиды.

Жарыс қорытындысы бойынша Заитовтар отбасы арнайы сертификаттармен және медальдармен марапатталды.

Отбасылық үлгі-өнеге көрсетіп, колледжіміздің атын абыроймен танытқан Заитов Артур мен Сариев Асылбекті шын жүректен құттықтаймыз!

Жетістіктеріңіз молайып, жаңа белестерді бағындыра беріңіздер!

Шараның негізгі мақсаты – әкелер мен балалар арасындағы байланысты нығайту, отбасылық құндылықтарды дәріптеу, сондай-ақ жас ұрпақтың білімге, ынтымаққа және белсенді өмірлік ұстанымға деген қызығушылығын арттыру.

Аталған байқауға Атырау сервис колледжінің атынан әке – Мендигалиев Рустембек және оның ұлы, “Наубайшы-19” тобының 1 курс студенті – Жумагалиев Ахмад Рустембекович қатысып, жоғары нәтижелер көрсетіп, арнайы сертификатпен марапатталды.

Бұл шара әкелердің бала тәрбиесіндегі рөлінің ерекше маңызын айқындап, отбасы арасындағы өзара сыйластық пен қолдаудың құндылығын көрсетті. Бала тәрбиесіне жауапкершілікпен қарап, қоғамдық жұмыстарға белсенді атсалысатын әкелер қатары артсын деп тілейміз!

Қатысушыларды шын жүректен құттықтаймыз!

Отбасыларыңызға амандық, береке және әлі де талай жетістіктерге жете берулеріңізді тілейміз!

2025 жылдың 20-23 қараша аралығында Түркия елінде өткен GASTRO ANTALYA халықаралық фестивалі – әлемнің үздік аспаздары мен кондитерлерін бір алаңда тоғыстыратын беделді бәсеке. Бүгін де бұл фестивальдің бәсі биік, бағасы жоғары,соңғы алты жылдың ішінде осы алаңда 25 елден келген 400 мыңнан астам кәсіби маман мен жас шеберлер өзара сайысып, тәжірибе алмасқан.
Биылғы байқауда Атырау облысы Білім беру басқармасына қарасты «Атырау сервис колледжінің» 3-курс студенттері Исеналиев Ислам аспаз ісі құзыреттілігі бойынша III орын, ал Жетписханова Айжан II орын иеленді. Бұл – еліміздің білім беру саласы мен техникалық және кәсіптік мамандықтардың дамуындағы маңызды жетістік. Жас аспаздарымыздың бұл табысы – тынымсыз дайындықтың, кәсібіне деген адалдықтың жемісі.
Сонымен қатар әлеуметтік серіктестеріміз – ЖК «Бостан», қазақы үлгідегі «Сарқыт» мейрамханасының бас аспазы Құрманбеков Бағытжанға қолдау көрсеткендері үшін зор алғысымызды білдіреміз. Жеңіс құтты болсын.

«Қауіпсіздік әлемі — қазіргі заман» тақырыбында тәрбие сағаты өткізілді.

Іс-шараның мақсаты – студенттердің күнделікті өмірдегі қауіпсіздік туралы түсініктерін қалыптастыру, өз іс-әрекетіне жауапкершілікпен қарау, өмірі мен денсаулығын сақтаудың маңызын ұғындыру.

Тәрбие сағаты барысында студенттерге:

тұрмыстық қауіпсіздік ережелері;

төтенше жағдайлардың алдын алу жолдары;

қоғамдық орындардағы өзін-өзі ұстау мәдениеті;

онлайн қауіпсіздік пен кибергигиена талаптары түсіндірілді.

Сонымен қатар, аталмыш шара жасөспірімдердің қауіпсіздік мәдениетін қалыптастыруға, өз өмірі мен айналасындағылардың амандығына жауапкершілікпен қарауға бағытталды. Студенттер белсенді қатысып, тақырып бойынша өз ойларымен бөлісті.