Үздік пән оқытушысы

КМҚК «Атырау сервис колледжінде» 2024 жылдың 5 желтоқсаны күні «Үздік пән оқытушысы» байқауы болды. Байқауға жалпы білім беретін пәндердің оқытушылары «Менің электронды портфолиом», педагогикалық және әдістемелік сұрақтарға жауап беру, панорамалық сабақ көрсету кезеңдері бойынша қатысып, өзара сайысқа түсті. Сайысқа қатысушыларды бағалау үшін әділ қазылар алқасы құрылып, соңында әділ бағасын берді.

​Байқауды колледж директорының м.а Тлепбергенова Р.А құттықтау сөзбен ашып, сайыскерлерге шығармашылық табыс тіледі. Байқау барысында колледждің арнаулы пән оқытушылары Тасимова Ә, Дюсупова М, Махмұт Ұ, Есмағамбетова К әсем әнмен өрнектеп отырды.

​Байқау қорытындысында орыс тілі мен әдебиеті пәні оқытушысы Усербаева М.К өзінің ұстаздық шеберлігі мен ізденімпаздығын көрсетіп, «Бас жүлдеге» ие болып, кеудесіне «Колледждің үздік педагогі -2024» лентасын тақса, жүлделі 1,2,3 орындарды Джулдаева Г.Т, Кенжебаева С.Х, Камалова Ф.М сынды оқытушылар иемденді. Сайысқа қатысқан ұстаздар дипломдармен, бағалы сыйлықтармен марапатталды.

​Осындай байқаулар педагогтердің шеберліктерін шыңдауға және өз жұмыстарына деген құлшыныстарын арттыруға жетелейтіні сөзсіз.

#біртұтастәрбие
#Атыраубілім
#atyrau_bilim_bolimi
#atyrau_bilim
#bilim_sapasy_bagalau
#жемқорлыққажолжоқ
#isb_atyrau
#біртұтас_тәрбие
atyrau_servis_college
#tarbie_ortalygy_atyrau
біртұтас_тәрбие_атырау