Атырау сервис колледжінде қуанышты жаңалық!

Атырау қаласының прокуратурасы ұйымдастырған “Буллингке қарсы ең үздік бейнеролик” байқауына белсене қатысып, шығармашылық қабілетімен ерекше көзге түскені үшін ағылшын тілі пәнінің мұғалімі Кенжебаева Салтанат Қайрлиевна Алғыс хатпен марапатталды.

Салтанат Қайрлиевна өз бейнеролигінде жасөспірімдер арасында өзекті болып отырған буллинг мәселесін терең ашып, жас ұрпақтың бойында мейірімділік, татулық, адамгершілік, өзара құрмет сияқты құндылықтарды қалыптастыруға бағытталған мазмұнды жұмыс көрсете білді.

Бұл марапат – ұстаздың кәсіби біліктілігі мен зор еңбегінің нәтижесі.

Құрметті Салтанат Қайрлиевна!

Сізді шын жүректен марапатыңызбен құттықтаймыз!

Шығармашылық шабыт, толағай табыс, кәсіби биіктер тілейміз!

Құтты болсын!