Атырау сервис колледжінде өрт қауіпсіздігін қамтамасыз ету мақсатында студенттерге арнайы қауіпсіздік шаралары бойынша түсіндірме сабақ өткізілді.
Атырау сервис колледжінде өрт қауіпсіздігін қамтамасыз ету мақсатында студенттерге арнайы қауіпсіздік шаралары бойынша түсіндірме сабақ өткізілді. Іс-шара барысында оқытушылар мен жауапты мамандар өрттің туындау себептері, оның алдын алу жолдары, төтенше жағдай орын алған кезде дұрыс әрекет ету қағидалары туралы жан-жақты ақпарат берді.
Сабақтың негізгі мақсаты — өрттің алдын алу мәдениетін қалыптастыру, студенттердің өмір қауіпсіздігіне жауапкершілігін арттыру, қауіп туындаған сәтте шұғыл эвакуация ережелерін меңгерту және алғашқы көмек көрсету шараларымен таныстыру. Сонымен қатар, тұрмыста және оқу орнында өртті болдырмау үшін талап етілетін негізгі қауіпсіздік ережелері түсіндіріліп, өрт сөндіру құралдарын пайдалану тәртібі көрсетілді.
Бұл шара студенттер арасында қауіпсіздік дағдыларын нығайтып, төтенше жағдайлардың алдын алуға бағытталған маңызды оқу-тәрбиелік жұмыстардың бірі болып табылады.
